قصيدتى صفر الدنيا
اللى يبدأ صفر ينتهى صفر
صفر الدنيا ارحم م صفر الآخره
اخر حلاوته آمر من الُمر
ويوم الحساب أشد من الجمره
صفر مالوش لزمه لكن يُضر
على الشمال ساكن فى الخُن
على اليمين له شنه ورنه
فى قامووس الدنيا له وزن
وعلى دماغ الارقام له زنه
ويوم الحساب ميزانُه بالذرة
صفر الحياه فارغ من جواه
نقطة بسيطه بتتكتب بأى قلم
البساطه في الوجع معاناه
وف مجمل الارقام معنى لرقم
يفرق كتير فى لُغات المحاورة
صفر نقطة ممكن ميلفتش النظر
فى لحظه تبقا مهمة بأغلى تمن
اصل الاصول فى جدور الشجر
والنخل عالى وشايف كل الوطن
الصفر مالوش قيمه مع البشر
وراحة الإنسان لما يلبس الكفن
وعقول تخاف من الحقيقة المره
د/ حسن الشوان/مصر
ليست هناك تعليقات:
إرسال تعليق