قصيدتى تخاريف عجوز
تخاريف عجووز ماشى على عكاز
شعرى شاب ومستنى باب الرحمه
العمر جرى بيا اسرع من الرزاز
من كتر تلاهى الحياه فى الزحمه
التجارب خلتنى ماشى ع قزاز
خطوة صاحيه وخطوة نايمه
كرامتي ع راسى فى عزه وإعتزاز
ولأخر نفس انا عايش فى نعمه
واما بنعمة ربك فا حدث ف البرواز
بعيشها كل ثانيه وفى كل لقمه
التقدم ح يرجعنى تانى للمبة الجاز
اللى كانت بتنور حياتى فى الضلمه
اللى ينسى أصله يبقا إنسان شاذ
ولو إرتفع ح ينهار ويقع من القمه
الزمن القديم زمان كان معاه عكاز
و لابس قبقاب وانا لابس جذمه
النضارة بتشتكينى من كتر الألغاز
والقلم مش رايق يكتب ولو كلمه
الحروف بتدحرج مش لاقيه ملاذ
يحضنها من التفكير وتشم نسمه
مواعيد الحياه مكتووبه بإعجاز
ومواقيت الصلاة حيرت العُلما
حِكم ربنا فاقت عقوول الإعجاز
والعلم الربانى وراه ميت حكمه
د/ حسن الشوان / مصر
ليست هناك تعليقات:
إرسال تعليق