كفياني جروح (840)
...................
ما بلاش تتفنن وتعاند
وتزيد في عذابي
ده أنا ياما سامحتك وحضنتك
وما قفلتش بابي
مش فاكر ليل شهدي سهرته
وأنا كلي جروح
ولا حسيت بيا إن أنا عايشه
تمثال بلا روح
قصرت فى أيه تهجر تبعد
وهناك مسموح
دبليت أحاسيسك ليه عني
وفايت لي شروخ
وأرويك وأنا حاضنه في أوجاعي
وللشك بروح
بعتب على حالي إنه إتهجا
ما قراك مظبوط
وأنا قلبي وعقلي عاشقينك
وكتاب مفتوح
إرحمني وريح باقي مني
كفياني جروح
خلصت الصبر وما نصفني
روح فين ما تروح
وهلملم جوايا آهاتي
وبقايا الروح
خلصت دموعي ماعاد فيا
ولا ليل مجروح
هديت بروازك جوايا
والباب مفتوح
بقلم .. صبري رسلان
ليست هناك تعليقات:
إرسال تعليق