توهه ورا توهه (838)
..................
خدونا فى سكه روح ما تجيش
وقفلوا الباب وشيش ورا شيش
وباعوا في ملح بينا وعيش
وشافني غزل لي كوم حلفان
وتوهه ورا توهه غل كمان
وغير من الوشوش ألوان
ما آخرك صوره للنسيان
في ألبوم كله لك أوهام
سواد القلب إمتى تفوق
لا نافع فيك غسيل مسحوق
شامم فيه شياط ضمير محروق
وعين تسقيك حلاها سموم
تشوفها تسمي بالرحمن
وليه تتدارى في التجريح
وبيتك يوطى من التلقيح
يا عم إختمها بالتسبيح
هتحيي القلب بالقرآن
حفظنا بكاك دموع تماسيح
لسان نمام ملهش أمان
قدرت تعيش بروح لشيطان
عماك التوبه والغفران
أخاف لتدوب ما تلقى مكان
وعيني عليك خانوك لأندال
وتوهه ورا توهه طبع زمان
هتظهر صورته كان إنسان
ورا البرواز بيتنطط
ويصدر حكمه ويغلط
وناسي إنه متورط
بأيده الشوك قفل حوط
يدوق المر زاي ما هان
بقلم .. صبري رسلان
ليست هناك تعليقات:
إرسال تعليق