رسالة لابنى الغالى
شكلك من شكلى وجدع فى عيون الناس
فاسمع على طول كلامى وحطة ليك اساس
لو صاحبت دايما صاحب أصيل
دايما عارف الحق وعنة ما تميل
لو يوم طلبك حد إياك تكون قليل
الدنيا مهما كبرت بتبقة صغيرة
متفرحش بحال دى دايما متغيرة
فى يوم فرحك يا ولدى دايما تحمدة
وفى يوم حزنك كمان حمدك جددة
دى الدنيا يا ولدى ما دامت على حال
ما بين يوم وليلة البية بقا شيال
خلى دايما يا ولدى بينك وبينة عمار
دى ربك هو القادر والمنتقم الجبار
خليك دايما يا ولدى ليك عند الناس
وفى لحظة الشدة قليل الاصل بينداس
وبدعيلك دايما يا ولدى تكون احسن الناس
وخليك دايما واثق إيمانك هو الاساس
بقلمي محمد الخولى
ليست هناك تعليقات:
إرسال تعليق