قصيده أرجوك إنساها
بدور عليكى فى كل مكان
لا عارف مكانك ولا عنوانك
لكن معايا كام دليل وبرهان
ح يوصلوونى يوم لمكانك
أنا بعدت عنك بسبب النسيان
خدعنى وكنت مديله الامان
قلبى برىء منك وعمره ما خان
ومرت السنين مستحيل نسيانك
وعمر قلبى برغم البعاد ما خانك
لكن النسيان لاهانى عن زمانك
وشغل بالى فى صراع أحوالى
فى دنيا تشغل بال كل الناس
لا تعرف رخيص ولا تعرف غالى
لكن تعرف تشتت أى احساس
مايصعبش عليها حد ولا تبالى
ودموعها كدابه فى أى اخلاص
كتير سألوونى ليه بتدور علييها
سيبها بقا وكفايه اللى جرى منك
عاشت كتير عقبال منسيتك لياليها
وتعبت كتير وعاشت تسأل عنك
هانت عليك وجى دلوقت تفتكرها
بتدور عليها وعايز تعرف أخبارها
ارجوك أنساها وكمل فى نسيانها
لو ندمان متفكرهاش وسيبها لمشوارها
وعيش حياتك لوحدك ومتسألش عنها
كفاية بقا اللى عاشته وانت مع غيرها
د/ حسن الشوان / مصر
ليست هناك تعليقات:
إرسال تعليق