أدمنت إنسان ينساك و إنتا
إزاي هتعيش لو هوه بعيد ؟
جربت تكون واقف وحدك
و الكل مشبك إيد في الإيد
عقلك بيغيب و يروح مشاوير
و إنتا مكانك
قلبك يطوح قدامك
و مهوش سكران
لكن خسران و بشكل فظيع
إنتا اللي إخترت تبيع قلبك
من غير ما تحدد سعر البيع
فمتستناش منهم كلمه
إحساس الحب ملوش ذمه
علشان تتحب ما دام حبيت
قد ايه إرتحت معاه و مشيت ؟
قد ايه سهرك الليل كله ؟
قد إيه وعدك إنه هيجي
و قد إيه إستنيت ؟
كل دي حكايات تبني عليها
و تعيش مع نفسك و ياها
تعيط لساعات
بس متنساش إنها حكايات
وإن كانت أحلام و إتهدت
فأنتا اللي بنيت
على قلب أساساً مش قلبك
و مش ذنبه في يوم إنه ما حبك
و لا حاسس بيك
و لا حمل تطبيق أشواقك
و لا شاف في عنيك غير كام كلمه
أول ما يحاول يقراها بتحذفها عنيك
حبيتها صحيح حب يحير
و ما تستناش منها مقابل !
طب قابل . شيل
لما الأيام تديك قسوه
و توفي الكيل
الشاعر_فهد_الحوتي
ليست هناك تعليقات:
إرسال تعليق