يابحر
جيتلك شايل همومي
وحكيت معاك بينك وبيني
لقيتك يابحر
سامعني وسامع كلامي
حسيتك بطبطب فوق كتافي
بتقولي أرمي من ورا ضهرك
كل لك بيحاول في يوم يكسرك
يابحر
أنت الوحيد اللي بشتكيلك همي
وعمره في يوم جه مرة وزعلني
ولاقالي ياعم أبعد بهمومك
وروح بعيد عني
يابحر
كام مرة جايلك وحامل همي
اللي كان تقيل فوق كتافي
بحسك بطبطب ع قلبي بحنية
وتزيح من عليه حمول تقيلة
تهد أي حيل
كنت ببقا جايلك مليان هموم
بمشي من عندك
وحاسس بقلبي فرحان سعيد
منفط أحزاني وكل الغيوم
اللي كانت عليه بتزيد
عشان كنت بتسمعني بااهتمام
عمري ماحسيت وأنا معاك
بعدم الإلتزام
كنت أقعد عندك بنسى نفسي
و لوقت طويل كنت بتمسي
كأن بينا عشق كبير مالوش آخر
بيك أنا بين صاحبي بتفاخر
عشان كنت بااحكي معاك
كأننا إتنين من العشاق
وللحكاوي كنت معاك أعيد
وفيها أطول وأزيد
مش عاوز اسيبك وامشي
كنت بحسك بتنادي عليه
لفين هاتروح وتمشي
تروح وتسيبني مع حالي
أقعد معاية وخليك شوية
كمان ماتمشيش
يابحر
عرفك طول عمرك بتسمعني
وسمعك وانته بتقولي
قول كمان وعيد معايا الحكايات
قولها و سمعني
أنا سامعك حسك لمسك
بكل هزة من موجك
ولحظة هسك
وأنا كل يوم جايلك
بتقولي احكيلي كل اللي عندك
وجاي بأية جديد
ارد عليك جايبلك معايه
خبر أكيد
عنك بيه بتفرحني وتمتعني
معاية مواعيد ك ثابتة
زهرة في وسط الصخر نابتة
ساعة مابتلمس على قلبي
الحنين بيفض طاير من الفرحة
إنه معاية جايبلي من عنده
خبر سعيد
بقلم عبد المنعم مرعي
ليست هناك تعليقات:
إرسال تعليق