سيما
نفسي الفرح لي مرة يصيب
يلقى معاه القلب نصيب
قلبي حنين وأخضر لكن
ييجي الفرح لقلبي يخيب
عمر الفرح ما جابلي سعادة
فنجان بن ودايما سادة
ولما يشكي القلب يفضفض
يقولوا مجنون ومحتاج لعيادة
أشكي لمين بس أنا حالي
ربي أكيد سامع لسؤالي
لكن مين من الناس يسمعني
حتى الحزن زهقه موالي
بُغني بحرفي للناس مواويل
يقولوا خلاص ابعد يا ثقيل
أخبي كلامي جوه حروفي
حتى الحرف عرف المناديل
بس خسارة لحرفي أنا قيمة
جايز زي بتوع السيما
فيلم قصير نهايته تحير
عنوانه نصر ونهايته هزيمة
بقلم/ يحيى حسين
27 أغسطس 2026
القاهرة
ليست هناك تعليقات:
إرسال تعليق