قصيدتى لسه بفكر فيه
ايه اللى جرالك يا قلبى ايه
ليه تفتش فى الماضى ليه
وتفتح شبابيكه ع اللى فات
ومن على الرفوف الذكريات
وترجعنى من تانى افكر فيه
برغم الزمان عدى من زمان
القاك تعيدلى أيامه ولياليه
وأرجع تانى افتكر اللى كان
اللى واحشنى كلامه والمكان
اللى مش فاكر ليه أى عنوان
بس فاكر الدموع فى عينيه
اللى كانت بتحس معايا بالأمان
لغاية دلوقتي بعاتبك عليه
برغم السنين مهزمنيش النسيان
ولسه فاكر اللحظه الاخيره
اللى بشوفها فى كل صورة
اللى كلماتها فى ريقى مريره
اللى بعدتنى عنها بلا استئذان
وجى دلوقت تفكرنى من تانى
بعد ما العمر جرى بيا والسنين
وافتح كتاب حبيبى الاولانى
اللى خدتنى منه برغم الحنين
انا مشتاق القاه واطمن عليه
حتى الشجره نفسها تضلل عليه
مش ناسيه شمس أيامه ولياليه
والذكريات هى اللى باقيه عناوين
بعد ما العمر عدى لسه بفكر فيه
د/ حسن الشوان / مصر
ليست هناك تعليقات:
إرسال تعليق