قصيدتى الحلم العنيد
إنشغالى بيك خارج كل الحدود
ومهما أنشغل بيك موفيش جمايلك
وقفت معايا فى وجووه كل الوجود
ومشاعرك كانت بمشاعرى من قبلك
كُنت الفرحه اللى بتهل عليا كل عيد
وشمسك صحتنى من الحلم العنيد
والشجره ضللت عليا بالعطر والورود
ومهما كان بُعاد السنين لسه بشتاقلك
منساش طيبة قلبك وعيونك السود
إتحديت قسووة البعاد عشان أقابلك
الفراق جالنا ف غفله مكنتش ع البال
وجريت بينا الايام اسرع من الخيال
ولاهيتنا الدنيا مره يمين ومره شمال
وفجأه لا القا نفسى ولا القاك موجود
والشجر يسأل عليك وكمان العصافير
معقوول إنت تسبنى وترووح بعيد
والقا نفسى غرقان فى واقع مرير
والدنيا بتودينا وتجيبنا بلا مواعيد
وفراق مكتووب بلا رحمة ولا ضمير
حاقدين علينا فى كل حال م الأحوال
إنشغالى بيك بيهوون عليا كل حياتى
زارع الأمل فيا وطردت اليأس م جوايا
حبيت الماضى لان معاك اجمل ذكرياتى
ومفيش أجمل منك القاه يعيش معايا
وإنشغالى بيك هى أرق وأحلى أوقاتى
بفتكرها ف الحقيقة وبشوفها ف المرايا
د/حسن الشوان / مصر
ليست هناك تعليقات:
إرسال تعليق