بقلمى/عاطف جمعة
..........................
(الذكريات)
انا قـلبى حـن للى فــات
فقـولت اعيــد الذكــريات
بدأت باصحــاب الطــفولة
وجــدت منــهم اللى مــات
واللى ضاعــو فى الشــتات
واللى أصبــح مليــونـــير
واللى مــش لاقى الفــتات
واللى قــضى العــمر يجرى
علــى الولاد وعلـى البــنات
كان كل هٕـمه ولاده تشــبع
وهــوا عــاش ع العــينات
فيه اللى عاش رهن المرض
ولف على كل المستشفيات
فيــه اللى استمتع بالحياة
واخــد م الدنيا مال وجٕـاه
وفـيه اللى راضى بقسمته
وعــاش قنوع ونال رضــاه
وفيه اللى قضى عمره عابد
وكــان بيــعشق المساجـــد
واشــترى آخــرته بدنيــاه
وفيه اللى خدها طول وعرض
ولا عمره صام ولا صلى فرض
وفيه اللى كان شاكر وحــامد
فيـه اللى عــاش على النــفاق
اللـــى واصــل للآفـــاق
وفيه اللى كان ع الحق صامد
فيه اللى كان فى تعامـله لين
وكان دايـما عطــوف حنـــين
وفيه اللى قاسى القلب جاحد
ربى اسـألك حــسن الخـــتام
واكفنى شــر الآثام واقبضــنى
اليك ساجد
ليست هناك تعليقات:
إرسال تعليق