(مع الأيام )
وبحاول أخبى دموعى
ما هى نايمة الأهة بضلوعى
ومرار الكاس كان مكتوب
وأعز الناس لسة يادوب
وقدرنا بيطفى شموعى
بدأ الشعر يروح ويطيح
يسقط أصل الأب جريح
بعد ماكان فى الهوى بيطير
فرحان هوا راكب مراجيح
وقبل مايرحل معنى الغنوة
غابت حتى الضحكة الحلوة
وأصبح بيتنا كلة ظلام
بعد ماكان مليان مصابيح
روحت أقابل الدكتور
قولت يا دكتور أطلب قول
قالى يادوب أيام معدودة
أوعى تسببها فى لحظة وحيدة
خليها دايما تبقى سعيدة
خلى البسمة تسابق الريح
أزرع ليها الأمل الباقى
وخلى عشانها القلب فدائى
وأبنى كمان فى الذكرى بيوت
وبلاش تبكى لما تلاقى
غاب م الوردة نبض الصوت
سيبها تروح ...سيبها تنام
فى دنيا جديدة بدون الاام
وحاول تكسر كاس المر
علشان بس تعيش ويمر
بيك العمر مع الأيام....
(مع الأيام )
بقلم الشاعر
الشاعر السيد أنور إبراهيم
ليست هناك تعليقات:
إرسال تعليق