قصيد بلهجتنا الدارجة التونسية
نحساب روحي غالية وعزيزة
نحساب من غير حزّة عزوتي حزّيزة
نحساب وقت نطيح عندي ركيزة
ونحساب منسجي محبوك وقت طريزة
ونحساب يختاروني وقت فريزة
نحساب صوتي مسموع ونغمتو و تمييزة
ونحساب نوري يضوّي في دهاليزة
ونحساب حصاني يتهاب وقت دريزة
ونحساب منزلي عامر بلا تجهيزة
ونحساب كلمتي مسموعة من غير لكيزة
ونحساب نظرتي مشيوفة من غير نخيزة
ونحساب بلاصتي محيوزة من غير لزيزة
نحساب روحي بارزة وبريزة
ونحساب روحي عندهم لويزة
نحساب روحي حزتهم في حويزة
ونحساب روحي عندهم عزيزة
بقلمي جُمعية غابري
ليست هناك تعليقات:
إرسال تعليق