وقف علياالبارح شكري
متغشش وجعاتو الغدرة
و من غير كلام و لا نبرة
ڨالي رفاقي وين يا زهرة
بايت نتقلب ما رقدتش
و في قبري خنڨتني العبرة
.
نتلفت للحاج بجنبي
يكفكف في جرحو يا حسرة
ڨتلو يا محمد اش رايك
ف اللي باعونا كالخضرة ؟!
البراهمي من غير ما تلفت
ڨالّي يا شكري لا تخمّم
تونس فيها ناس احرار
و اغلبها قاري و متعلّم
صبرك تو لعجب تشوفو
و نهار عليهم يتحمّم !!
و حراير تونس يا رفيڨي
مستحيل في الخضراء تسلمّ
دمّي و دمّك فيه شرفهم
و الحقّ مصيرو يتكلم !!
زهرة الحوّاشي.
26 جويلية 2013.
جزء من قصيدة وينهم احرار الثورة )
ليست هناك تعليقات:
إرسال تعليق