طفل وأم
فى عيد الأم نكتبها ونهديها
لفضل الأم ننشدها نغنيها
وإيه الأم غير قلب كبير لينا يلم
وإيه الأم غير حضن كبير لينا يضم
وجوه الحضن بتذكر
حياة الطفل فى حضن أمه وخوفها عليه
وفرحة أمى وأنا بكبر
ويمر العمر ولا نشعر
وفضل الأم ورعايتك
كفاية الحمل وولادتك
ما بين أحشائها 9 أشهر
يا كل إبن بعيد عنها
فى عيد الأم ماتعودشى
نسيت مسكتها فى إيدك
وبتساندك عشان تمشى
نسيت سهرها طول اليل
وصحيانها يوم عيدك
وتتشيك بإيدها ولبسك حلو وجديدك
ولابس بإيدها حذاءك أيًا كان أو الكوتشى
وفرحة تسمى وتصلى فى قلب الأم
نسيت إيدها وإيدك حايره عشان تلبس
تودى إيديك مكان الكُم
نسيت الأُم
خلاص مشغول فى عيد الأم تقول بكره
يا فرع فى شجرة به خضرة
نسيت جذرك نسيت جذعك
وإن كرمش عشان خاطرك وشيل همك
نسيت أمك
بكرة يا ولدى هتكرمش وتصبح جذع وينبت فرع
كما كنت عشان أمك يكون إبنك
يا بار بيك كما تبغى يا زى القرع
فضلك يا أمى غطى الكون ويزيد
فى عيدالأم بنهنى ونتمنى العمر يطووووول
لأخر الدنيا ويزيد
وينعم عليكى إلهى بفرحة وصحة حديد
يا أغلى حاجة فى الدنيا وأغلى كلمة فى معناها
يا كلمة أُم
هشام الفقى
ليست هناك تعليقات:
إرسال تعليق