العصفوره والغربان غنوه الشاعر
السيد الشهاوى
العصفوره جت وقالت لي
عصفورتك وسط الغربان
نتفو ريشها....وقلقوا راحتها
ورموها في بحر الحرمان
وقالت لي العصفوره كمان
عصفورتك بتفكر فيك
تتنقل من شجره لشجره
تتمني لو يوم تلاقيك
بتمني روحها بالجنه
إللي عاشتها جوا عينيك
*****
العصفوره فكرتني
بقصتي وياك
لما قابلتك اول مره
ولقتني هايمان بهواك
يومها اخدتك بين كفوفي
طبتبت عليك
وقبلتك
وغاصت في روحك روحي
كنت باغير كتير عليك
حتي من لمسه ايديا
ل ايديك
وكنت انت لسه
عصفور صغير
وكان نفسك تطير
ذي بقيت العصافير
اديتك ريشي تطير بيه
وأنا ريشي ملون وجميل
وانا عصفور حر اصيل
متربي علي شط النيل
وعلمتك فن الملاغيه
وعلمتك تطير
وفي ليله بكل سنين عمري
وانا وإنت كنا علي ميعاد
الساعه ورا التانيه بتجري
واتارينا مع الحرمان بميعاد
سمعت صوتك بتغني
بصيت عليك لقيتك بترقص .. بين الغربان
مغرور بريشك
و الغربان كتير حواليك
اخدو ك مني كنت باتمني
رجوعك
ياما اترجيتك. .
.كان نفسي اطمن عليك
كان بيجرحني خضوعي
وذل روحي وشوقي ليك
كنت بالنسبة لي عمري
كل عمري
وكنت انا لعبه في ايديك
وشفت الدنيا في بعدك غابه
الورد مات فيها... ومات فيها شجرالياسمين
الغابه مليانه ديابه
العصافير هجرت اوكارها
وطيور النرجس من خوفها
مبقتشي تهاجر وتطير
مبقاش في الغابه مكان
للحمائم والغذلان
آنا بس كان نفسي اسالك
بعتني ليه... إيه غيرك ؟؟؟
هجرت ليه عش العصافير؟؟
الشاعر
السيد الشهاوى
ليست هناك تعليقات:
إرسال تعليق