وين الكاك...
تلكاني بتوالي الليل
من تصفن.... وتجر حسرة.....
ودخان الجكاير يترس الغرفة
وصفناتك تناغي الروح
بدقايق حيل متعسرة
وين الكاك....
جنت يمك
وشلت همي ...وشلت همك
جنت ماتلتف ليّه
ولا يهمك...
كلب مجروح...جسد منهك
وبقايا الروح من تشهك
ولا يمك...
ولا مرة اغلطت وتعثرت بالباب
ولا حسيت باب الكلب من شمك
وين الكاك..
أكلك وين تلكاني
وابينلك طريجي وين يمتاني
واحلفنّك اذا متريد تنساني
بصدى لحنك قصيدة شعر
لو موال تلكاني ...
بصدى لحنك...
قاسم عبدالعزيز الدوسري
ليست هناك تعليقات:
إرسال تعليق