تعلّمت
تسلّمت عرض أمجاد كيف مقام
تعلّمت هاذي سوالفي مهرين
كي جريت عمري ريتو منام
وما زال ثما ع اليمين صفّين
وصل المطر اليوم كيف ملام
في الواد كنت نرى كان حجرين
قاع البحر اليوم لونو غمام
كيف البشر قلبو خاب عندو سنين
لا عاد في المذموم خير كلام
عاموا في الأبحار عل الوجهين
غريق المحبة اليوم ليلو سلام
وفي البرّ طريق السّلامة قلّي وين ؟
تعلّمت كيف نطير كيف الحمام
وما نبدّل اليوم خطوتي بخمسين
نشري الشّهامة من برور الشّام
ومانبيع الودّ في سوق الاثنين
سبّاح صاحبي في الدّنيا عوّام
وفي الودّ كنت واخذ راحتين
زور البشر اليوم حيطو زمام
وضاعت حبال المودّة في يومين
حميدة بن ساسي
ليست هناك تعليقات:
إرسال تعليق