بياع كلام (747)
.............
قلبك كده دق وبتكابر
والشوق في عيونك
مش صابر
وليلاتي في حلمك نتقابل
وندوب في غرام
قدام الناس تعمل ناسي
وتوه عن شطي وفيه راسي
لا بتسهر ليل ولا بتقاسي
ولا دوقت ملام
هتفضل على كده تلعب بيا
وتبيع لي كلام سيل حنيه
رواياتك كلها مقريه
وحفظاها كمان
هتداري لإمتى وهتخبي
سيبك لا تقول قلبك قلبي
كفياني في وهم ما ضاع حبي
قلبك ليه جبان
بتخاف من الناس ترمي كلامها
تقفل في عيون مفتوح بابها
ما تقولها بحبك مش فارقه
وإتحدى وحارب علشانها
شيفاك فارس بحصان جالها
يخطفها وتكمل أحلامها
بان كدبك بان
هديت المعبد قدامها
ضيعت غرام مكسور بالها
بياع مش حيلته إلا كلامه
على بره لا رسيت ولا عايشه
من بحر الشوق طلعت بايشه
أحلام أوهام في جنان طايشه
باي باي يا غرام
فكرك هتحب وبالساهل
وتداري فى حلم مهوش ظاهر
تحلف وتقول حبك طاهر
ما شبعنا كلام
بقلم .. صبري رسلان
ليست هناك تعليقات:
إرسال تعليق