احلى ما في الكشفية العلاقات الانسانية :
رغم كل اختلاف نبقى اخوان، اخوان في كل ما يربطنا و احنا كمربيات طفولة، احنا احلى حاجة في الدنيا، احنا العطاء، احنا المودة واحنا برشا حاجات مزيانة، احنا الامومة والحنية، والكشافة وماحلاها كلمة من قانونها تعرف اش معناها برشا احترام، وقار و برشا برشا انسانية ورقي و علاقة مع الخالق سبحانه وتعالى والانسان بصفة عامة، مهما كان اختلافك نكملك وتكملني، لا عمر ولا مكانة اجتماعية ولا حتى فرق ولا عقدة م العقد الاجتماعية، بصغارنا بشبابنا وبكبارنا، كبارنا في القدر اللي بيهم يبدى الطريق ومنهم نتعلموا أبجدياتنا من القايد الازهر السباعي لأصغر عصفور في أسراب قسم العصافير الكلنا نتكاملوا نضحكوا مع ضحك قائدة غادة وقائدة دلال و نتعلموا حب العمل والاجتهاد من قائدة إلهام و قائدة سميرة ونتعلموا حس المسؤولية والتحدي من قائدة هندة وقائدة نورة والقائدة سلوى وما ننسوش خبرة سنين وسنين للقائدة اشراف والقائدة سهير ومازلنا نتعلموا ونتعلموا، نهار مزيان خفيف ظل تعدى علينا الكل في الطبيعة ويا محلى الطبيعة مع عصيفرات الجنة مع براءة وشقاوة وبرشا عفوية .
الكاتبة ناريمان همامي
ليست هناك تعليقات:
إرسال تعليق