......... نور حياتك ...........
بووس إيديها اللى شالتك بيها
وحملتك ورضعتك وربتك
بووس رجليها إللى حملت عليها
خدها فى حضنك قبل فوات الأوان
وأوعى تفكر تبعد عنها
الأم تستاهل كل يوم مليون نيشان
وهى ترمووومتر زمنك
ماتبعدهاش عنك لا تعيش عطشان
بووس إيديها وأحضنها
وحاسب لا تغضب عليك
ربنا سايبهالك نعمه تصونها
ومهما قاست بتراعيك
والناس بتعملك حساب لعيونها
مفيش حاجه ح تنفعك غيرها
انت بدعاها عايش فى خيرها
ليه تضيعها من إيديك
امك عمرها ما فرطت فيك
وطول عمرك انت مصيرها
ذى ما شالتك شيلها
ماتستخسرش فيها حاجه
لبن العصفور جيبهولها
وعمرها ما حتقولك محتاجه
ذى ما عالتك عيلها
ومحرمتكش من أى حاجه
ياما سقيتك من ريقها
وكنت انت أمنيتها ورحيقها
وعشانك باعت كل حاجه
هى نور حياتك والبركه
خد دعاها وإتمرمغ فى رضاها
ح تلقا حواليك الملايكه
بتييسر لك كل حاجه
الأم نعمه حافظ عليها وصونها
انت من غيرها ما تساوى حاجه
.........................................
........... حسن الشوان ......
ليست هناك تعليقات:
إرسال تعليق