الدنيا كلها لخابيط
دايما بتخدم العبيط
تعملو يجي ألف سيط
واللي عامل فهلوي
و فاكر انه واد حويط
و منها مايبطل عييط
الدنيا ماحدش قدها
حتى اللي لسانه سليط
مايقدر يوم يهزها
تعتبره يدوب ابره في خيط
عمرك ما تأمن شرها
هتخبطك تخبيط
لابد تمشي على هواها
تهاديك من الأرض كام قريط
و لما تكسب ودها
و تكون معاها واد نشيط
تهاديك شركة بعمالها
و كل يوم تقص شريط
تسقيك الشهد بإيديها
وتنططك تنطيط
وتكون خلاص ملكتها
تاكل كافيار و سبيط
اعلن للناس حبك لها
و قرط عليها تقريط
(((أسامه جديانه)))
ليست هناك تعليقات:
إرسال تعليق