ورد الصبار ـــــــــــ صبري رسلان

 ورد الصبار (742)

..............

وبقينا بنهرب من ماضي

ما أحناش عاوزينه

ونداري عيونا

أما يعدي قد أيه كارهينه

لا الليل بينسيني جراحه

وآهاتي مرار

والروح لسنين في سجون غدره

قاطعه الأوتار

أوقات بتمنى دموع عيني

في ليل جف وصاله

وأرجع تاني أعيش

وأنا مش هي

وأروي فى صباره

حاسه أنا تايهه ومش شايفه

كان قلبه أناني

مسجونه فى صوره ع الحيطه

برواز سجاني

والخوف من بكره أما يسيبني

ولا ذكرى فى داره

والوحده وآه من لياليها

خليتني أختاره

طرح الصبار من شوكه ورده

بعذابي وناره

ودموع الماضي بتسألني

ليه جف وصاله

من شهد لشوك نصين قسموك

لفراق بياعه

بقلم .. صبري رسلان

حلو و مر ـــــــــ صبري رسلان

 حلو و مر (729)

............

أحلام بترسم ودها عكس اللي كان

أصحى أحاول أفتكر

فين ده الزمان

حاسه إني طايره فى السما

طفله فى أمان

ورده في ضحكه حسنها رقه وحنان

طايرة لبعيد أبعد كثير

عمر ومكان

شوفت اللي عمري ما شوفتهوش

والليل بيسدل ثوب رموش

بأوتار كمان

فجأه لقيت صورتي في بيت

ونسيت نسيت من فين بديت

وتوهت جوا الليل بكيت

على جرح بان

كان أملي أهرب من اللي كان

وأعيش في حلم وغير مكان

ولا دمعه تاني

أتاريه محال تلقى الكمال

ومين يعاني

دنيا تقل بختها

بتدي مش محتاج لها

نواياها بانت

وغيرها بيحكي غدرها

قد أيه دي خانت

هتهرب لفين راجع لها

وهتيجي تطلب ودها

شمسك ما غابت

عيشها بحلو ومرها

وأرضى بنصيبك منها

وأصبر دي هانت

بقلم .. صبري رسلان

هفضل اقولهالك ــــــــ عبد المنعم مرعي

 ............هفضل اقولهالك لحد مااموت........

اليك وإن مات قلبي حبك في نبضي لن يموت

أصل قلبي حبـك وبيقولهالك بكل قـوة وصوت

عشان انتي روحي و عمري ومهما مني يفـوت

حبك بيسري بدمي بيجري بشرياني زي القوت

طبعامنك اتعلمت طعم الحب بعدك انتي اموت

انا لوحطوني وسط الصعب عشانك منه افوت

انت حد ملكني بقوة حبة كان اخلاص وكيوت

ومهما حاولت ابعد ماسك فيه بعزم وجبروت

بقلم عبد المنعم مرعي

زمن الدش ـــــــــ سعيد حمدى محمد

 زمن الدش

شعر "سعيد حمدى محمد

★★★★★★

كل يوم همك ييجي على بيت جاري

وانا خايف لا يغلط ويفط على داري

وعيشت مهموم والدمع جارى

لحد الجرح ما دبح الفرح

والفلاح زود مراري

★★★★★

لما بات ليله سهران

يتفرج ويسقف للأحزان

وعياله اهى بصاله

وهو بيزرع جواهم افعاله

بفلم الساحر والشيطان

★★★★★★

علمهم حرت الارض وازاي تتخضر

علمهم ازاي نبني ونعلى ونعمر

وبلاش تزرع جواهم الضياع

وتملا شقوق ارواحهم بالاوجاع

بكره تجنى ودمعك ع الخدود جاري

★★★★★★

ياما بدرت فيك حب العشم..خيب ومطلعشي

وبعتلك مرسال الامل . انقتل مرجعشي

معلهشي . انا مش هسيب تاري

انا هكسر باعك. وأدوقك اوجاعك

ورجعك لاصلك مادام عندى اصراري

★★★★★★

اصلك عايش فى داومة الدش

لما توهك ببحر النفاق والغش

وخاصمت الغيط والبتاو والمش

ورحمة امك لا اكبدك واضمك

واغربل منك العوج والمك

واربطك فى شغول الصاري

★★★★★★

واخدك امرمغك بطين الريف

واسمعك موال بصوت الشواديف

والطشك بنسيم العصاري

واعشيك بطابيخ الكانون

واسقيك شاى الحلزون

على نار الحطب اللي قايده بناري

★★★★★★

احضنك واضمك واهيم

واعصرك زى الغريم

لحد ماتنضح الحنين

لزمن الناس الطيبين

والمغرفه الخشب

عاشقه قحف العصيده من سنين

بقالهم زمان ع الفرن مستنيين

مبادئ تعود

همك يبقى من همي

وفرحى من فرح جاري

★★★★★★

شعر "سعيد حمدى محمد

23/1/2023

رحـــــلــو ـــــــ عــبــد الـــمنــعـــم مـــرعي

 ............................رحـــــلــو...............................

الــلـي كــــانــــوا مــالـــيـــن عــلــيــنــا الـمــكــان

راحــوا لـبــعـيد مـاسـابـوا لـقـلوبـنـا غـيرالاحـــزان

وبـقـيـنـا مـن بــعـدهـم غــلابــه ولالينا شئ يذكــر

وتــشهـد عـلـيــنـا الايــام والـلــيـالي وغـدر الزمـان

............................رحـــلـــو..............................

الـلي كــان صــدا صـوتـهـم يـجـلـجـل الـحـيــطـان

راحـلو اللي كـانوا لـيـنـا الحـصن والحـضـن والامــان

بـعـد مـااخـدوا مـعـاهـم الـضـحـكة الصافية والـقلب

الـحـنـيـن الـلي كـنت بجواره تلقا بياضة يزهر بستان

.....................رحــلــــو............................

الـــلـي كــــانـــوا وقــــت الــشــدة لـيـنـا ســـــنــد

ماعـدش غـير درعـيـن مش قادرين عليـهم ننـسـنـد

بـعــد الـحــــبـــايـــب مـاقـــالــوا وداع ومـشــــيــوا

وسـابــولـنـا كـام 1000000الـــف دمـعــة ودمــعـة

واخـدين احــزان وهـم والم بيهم على كـام مستـند

...............................كــــرســي.................................

الــحــــبــايــــب لســــه فـــاضــي زي مــــاهـــــوه

سـيـبــتــة مـكــانـة فـي ركـــن قـلـبـي مــن جــــوه

ولا حــد غــيـرهـم عـمــره كـان لــمـكـانـهـم يــمــلأ

حــبـايـبـي الـلي رحــلـو وشــرخــوا جــدار الــقـلب

مـن جـــوه وراهـــم بــدون لاحــول لــيـه ولا قـــوه

بــقــلــم عــبــد الـــمنــعـــم مـــرعي

الضمير ـــــــــ عبد المنعم مرعي

 الضمير

يااهل الضمير
................
الضمير
راح ياخُصارة
سفروة
راكب طيارة
واللي باعـة فاكـرها
شطارة
قال يـعني هايبني
من وراها العمارة
لما يسرقلة
كـام شيكـارة
من اللي إتمنوة
وهو خانة
الضمير
يأأهل الضمير
الضمير
راح علي فين
وبيحلف
بكام الف يمين
ومحدش
بقا عارف مين
الحرامي
والصادق فين
لما بعنا الضمير
بكام باكو وجنهين
الضمير
يااهل الضمير
الضمير
ولاعادله الف لزمة
عند عديم الشرف
عاملة أزمة
ونجيت في يوم
تعاتبة اضربة بالف
جزمة
عشان ساعتها يفوق
ويصحى قبل مايعلق
المحلول
وندورة علي علاج
البلازما
الضمير
يااهل الضمير
الضمير
واسالوا اهل الدين
هما عنه مسؤلين
ينصحونا بالتي هي
احسن
عشان حساب الآخرة
شين
وحساب اللي باع
ضميرة
هيبقا علي الوشين
وش دنيا وفيها تاية
ووش آخرة حسابة
طين
الضمير
يااهل الضمير
الضمير
واقف ماسك
زمارة
مش سايب لينا
أي أمارة
لحرامي ومرتشي
واقف في إشارة
او مدير ماسك
في سفارة
الضمير لما باعوة
قالوا عدوة
ومن مكانة يالة
شلوة
ولبرة روحوا
بسرعة
أوام وارموة
الضمير
يااهل الضمير
الضمير
من قاموسنا غايب
قالوا عليه كلام خايب
لابيودي ولابيجيب
واللي بيتبعة
مالوش عندنا نايب
الضمير
يااهل الضمير
الضمير
ليه عندنا ياعم
سايب
قالوا عليه دايما
نايم
مش معملوله
حساب قايم
ولليغلط أوام
يتحاسب
الضمير
يااهل الضمير
الضمير
عندنا واخد راحة
ساكن في كل مكان
ماسبش فاصلة
ولامساحة
خلي الحرامي
مدير وبية
ماسك في نادي
كبير او ساحة
خلي الكل جوة عبة
وحبيبتي ملو الطراحة
وسرقة بسرقة
الحرامي
وخدها راحة
الضمير
ياأهل الضمير
الضمير
واخد هدنة
واستراحة
واللي مايعرفش
ايه يعني الضمير
يسيب مانجة
وياخد
اختها تفاحة
ويروح يسكن
بمرينا
هناك هيلاقي
الناس السواحة
الضمير
ياأهل الضمير
الضمير
من غيرة ازاي
تقدر تعيش
دا انته لو هاتكلها
بعيش
عيشها وأحمد
الخلاق
لومفيش غيره
ملح وعيش
الضمير
يأهل الضمير
الضمير
للي بيدور عليه
فتش في ذاتك
هتلاقية
راحة نفسية
واطمئنان
وفي جنة الخلد
هناك
لما تقابل وجه
كريم
تلقا عملك الطيب
واقف هناك
بيستناك
بقلم عبد المنعم مرعي

طريق غرام ـــــــ صبري رسلان

 طريق غرام (704)

...............

وبقيت وحيد في دنيتي

من غيرك إنت

ماشي بدور فين غرام كان في الطريق ده

قالت عيونه كتير كلام

ورماللي ورده

سبقني قلبي بإبتسام

دقاته زايده

شغل لي بالي ليل نهار

في ميعاد ما جاني

لا عرفت أرد ع العيون

يمكن نساني

يوماتي أحضن وردتك

وأسأل عليك

وبكره يتجدد أمل

وأحلم وأجيك

كلمني قوللي يا طريق

راح فين حبيبي

خدني معاك تاه الوليف

خليك دليلي

مكتوب على فرحي الألم

وأفضل وحيد

ولما تكمل ضحكيتي قمري يغيب

بسأل عليك حتى الشجر

خطوات قدامي

مع ضي شمس ضحكتك

ببعت سلامي

ومنايه أشوف كحله عينيك

وتطيب ألامي

هفضل أعيش على أمل

قلبي يلاقيك

ويا ريت يا بكره تفكره

روحي فى أيديك

كام ليل وعدا وكام نهار

ولا حن تاني

دايب في شوق البعد نار ومرار كواني

دمعه عينيه بتسألك مين فينا جاني

بقلم .. صبري رسلان