- حرامي ونصاب وفاجر
حرامي ونصاب وفاجر وبيتاجر في قوت الناس
صبرنا عليك ومش شاكر لا عندك دم ولا احساس
عايش علي السحت وشحاته وكلك بخل وغتاته
وما بترضاش بفراطه وعايز كاش
دينت المديون بجهلك غنيت عشيرتك واهلك
ولحم المغبون بظلمك طعمته لقطك وكلبك
اتيتنا منين وشغلك ايه دي مش ناقصه امير وبيه
فاكر نفسك وريث اله وجاي لينا بغلق وفاس
بتكبش منها وتعبي ومش مكسوف ولا مخبي
كأنك انسان مربي من الغنمات الفين راس
كثير قولنا وكررنا بلاه الظلم وارحمنا
بكل برود تكلمنا انا العناية والانعاش
وصبرنا عليك ومش شاكر لا عندك دم ولا احساس
عايش علي السحت وشحاته وكلك بخل وغتاته
وما بترضاش بفراطه وعايز كاش
- حرامي ونصاب وفاجر
- بقلم محمد البلاط
ليست هناك تعليقات:
إرسال تعليق