متردش الأسوة بأسوة بقلم محمد البلاط

 -                 متردش الأسوة بأسوة

خدام القوم لو اصغرهم                 يتقدر ويكون كبيرهم

فناولهم لو يوم راح تقدر                واتحمل منهم عمايلهم

ولا تزعل ولا تغضب منهم             ولا تسأل ولا يوم تعاتبهم

ولا تجرح يوم وتحزنهم                  ولا تحزن من اللى حصل منهم

متردش الأسوة بأسوة                    وداريها لوحتى بكسوة

فى الدنيا ما فى شىء راح يسوى       تزعلهم ولا تزعل منهم

لاحبابك تعذر وتفوت                      وعليها تمشى وتتعود

لا تجادل ولا حتى تزود                   راح تعصم وكمان تعصمهم

والكاره بالحسنى تعامله                   وتقابله بتقدير وتقومله

ولو قادر بمجامله تجامله                   ولا تغلط ولا يوم تشتمهم

ولا تجرح يوم وتحزنهم                     ولا تحزن من اللى حصل منهم

هتريح نفسك من قولهم                      ولا قولنا ولا حتى شتمنا

وهتفضل سيرتك وياهم                      سمسم وحلاوة بالسمنة

ولا تزعل ولا تغضب منهم                  ولا تسأل ولا يوم تعاتبهم

ولا تجرح يوم وتحزنهم                       ولا تحزن من اللى حصل منهم

متردش الأسوة بأسوة                         وداريها لوحتى بكسوة

خدام القوم لو اصغرهم                        يتقدر ويكون كبيرهم

-                           متردش الأسوة بأسوة

-                             بقلم محمد البلاط