رساله الى اختى
بقلم صالح منصور
ليه مشيتِ ..وسبتينى
مش عارف .. اعيش
مش قادر .. افكر
رغم وحياتك من
يومها ما نمت
بتغمض عينى
لكن عقلى وقلبى
معكى الليل سهرانه
حروفى بقت تهرب منى
تصدقى الحرف اناديه يعصانى
الكلمة اقولها تنسانى
حبيبتى اقولها
يرجع صداها لودانى
اسأل قلبى
رد رد خلانى
ابكى ودموعى كمان تعصانى
فى حياتها عمرك ما قولتها
ولا يوم جبرت كسرها
فكرنى يوم فرحتها
من الصدمه كنت هموت
قلبى خرس مفيش صوت
النبض بقى حجر صوان
الدم بقى دموع احزان
كنت والله بحبها
امى واختى بس
عمرى ما قلتها
يمكن لانى عارف
انها حساها
نهزر نتخانق
نتخاصم بس حساها
واللى قهرنى اوى
ساعة الموت مكنتش معها
سمحينى بقى والله
لا عارف اعيش
ولا افكر
صالح منصور
ليست هناك تعليقات:
إرسال تعليق