وصيتى (إكشف يا دكتور )
بقلمى منصور أبو عبدالله
**********************
إكشف يا دكتور على الجته وإتمهل
دا علل النفس زادت والبتر بقى أسهل
غيرك كتير كشف بس وجعى أكبر
وكسرة النفس تكسر والوجع إستفحل
****************
إكشف يا دكتور وبصلى بعين الرحمه
واكتبلى دوا كد وجع الأيام والكلمه
ولو عملت فيه معرف سمى وأدبح
وأطلع للى واقف بره قله بلاش الدمعه
****************
حتلاقى أبويا واقف مستنى الخبر
قله بكريك لم العزال ونوى السفر
سامحه على مشيته وبيقولك أعذر
ومناه منك تنسى لو كان يوم قصر
****************
وحتلاقى أمى قاعدة مش قادره تصلب طولها
قلها ولدك الكبير مات جدع وكان نفسه يصونها
فمتبكيش وأترحمى على بيودع الدنيا وأهلها
دا ماشى وسايبلك سيرة كل ام ترفع بيها راسها
****************
وحتلاقى إخواتى منهم اللى بيدمع ومنهم اللى مش همه
قلهم يسامحونى مكنتش كبيرهم بس الذنب مش ذنبه
كنتوا كلكم فى قلبه وحبكم وعمركم ما شفتوا حبه
وكان رافع راسه بيكم ومبكاش حد فيكم فى وجعه
*******************
وحتلاقى مراتى واقفه ساكته ونفسها تدخل وتشوفنى
والدمعه فى عينيها واقفه وبتفتكر اللى كان يوم منى
قلها عاش ومات وهى الغاليه اللى قربها كان بيفرحنى
وقلها انه كان بقول اغلى من روحى مكنتشى تصدقنى
********************
وحتلاقى عيالى قلهم دلوك بس حتحسوا بابوكم
كملوا حياتكم ومتنسوش انه حياته كان ليكم
ولو بايده اكتر والله كان بطيب خاطر يديكم
وكان نفسه يشوف مرة يوم حبه فى عنيكم
**********************
وحتلاقى قرايب وخلان وشوية حبايب
قلهم راح من وسطكم اللى طول عمره غايب
عمره ما زعل حد فيكم ولا كان معاكم عايب
راح اللى وجعه من ولادته لغاية ما بقى شايب
***********************
بقلمى منصور أبو عبدالله
وصيتى (إكشف يا دكتور )
ليست هناك تعليقات:
إرسال تعليق