الطبيعى
وطبيعى جدا انى احبك
والحب
فى اصله انى اشتاق لك
انى اصونك واودك
طريق لأجل ما اوصلك
ومن وصلى
الضم الليل بنهار
فى خيط المستقبل
واغزل
من حبك طوق لنجاتى
من قسوة قلبك وتجاهل
أحيانا
واصنع
بايديا سفينه تنجينى
لحظة مايبدء قلبك
بطوفان الحنيه.
حبيبتى مختلفه
والطبع متحول
من انسيه لجنيه
لملاك برىء
و لغزاله بريه .
واحيانا برضوا
بتتحول لوحش كاسر
وساعات لورده
وام حنونه.
معقوله ؟؟؟؟؟
تتجمع فيكى
كل الاوصاف
والضد فى ذات الوقت. ؟؟
ومواسم العام تتسابق
لأجل
ماتحظى بصوره معاكى.
وتتصارع فيكى
كل مشاعر الخلق
.تحلف الناس
بوجودك جواهم ومعاهم
.تتشابه صورك
فى وشوش بنات بضفاير
ووجوه ام كبيره
بالحكمه موصوفه
.معجم لغوى متأصل
وموثق بجمال النص.
فى الأصل ملامح
ملكه مصريه
والصوره اله لجمال اغريقى.
وفى الشده
بتكون غجريه أو فهد افريقى.
عايز اقولك يا صديقى
محظوظ بصحبة انسيه
.فى الحلم
بتيجى بصورة جنيه
وتلخبط عقلك.
وساعات بتزورك
ويا نسيم الفجر بشكل ملاك
.وفى لحظات الحكمه
بتظهر علامات لتأمل
.واحيانا تلاقيها
على جدول أعمال نقديه.
بتفند وترصد وتحلل
كل قضيه.
وفى الغالب
بتحكم بالعقل والفطنه فتسود
.واسود ونمور
بتخضع تستسلم الكلمه
.الاصل الغالب يا ساده
أن المذكوره اعلاه
مكانتش الا سيره للعقل
.فكره للنقل.
اعجوبه تحتاج الدرس
.مسأله نقديه محتاجه لبحث
.توصيه فى امسيه
لكتابة نص.
رساله وسؤال
مطلوب منك كتابتها باحساسك
.تحدى مقصود
لإبراز مواهبك الصادقة.
مباره ومبارزه
ونزال علنى وتحدى.
القصه من اولها
مجرد فكره والهام ع الطاير
محتاجه تحقيق وتقصى
لحل اللغز
ومطالبه للنفس بالبحث
وذيادة الوعى بقضيه مصيريه .
محتوى لابد من رصده
ورسمه بقلمك الحر
محمد فوزى العليمى
ليست هناك تعليقات:
إرسال تعليق