وليه مستعجله؟؟؟؟
استنى كام مية سنه
...الشعر شاب
والابيض احتل السواد
مش مهم برضوا عادى
..برضوا طبيعى
والغياب والتجاهل أهم.
.اتمسكى بالغياب
والعناد والبعاد
واتعشمى بالخيال
رجوع
قطر الشباب
. اهو كله وهم ويا هم.
.اتبسمى للمرايه واخدعيها
..او أرشيها بظل نور
وعود بخور
وشوية مسخ بودره
على الوشوش
وعطرى ساعتك بالانتظار
بس فى طريق له ضل
..اصبرى كمان شويه
على ما احفاد زميلتك
يعزموكى على فرحهم
وتيجى متندمه
.على اللى فات
بلاش غرور وبعاد
وحاولى تملى فكرك
بالسرور والحضور
اركنى حزنك واحبسيه
وسيبى بيت السواد
وارسمى بكره
بالالوان الزاهيه
ويا اروع الزهور
..اختارى اغلى العطور.
. اتمنى كل المستحيل
وامنى بيه وصدقيه
يتحقق الحلم اكيد
محمد فوزى العليمى
ليست هناك تعليقات:
إرسال تعليق