مع حرارة الصيف
شارت عليَ ام العيال
العيال عايزة تصيف
والحالة عال العال
الحالة عال منين
وانا راجل مش شغال
قالت عملين جمعية
واتدبرت الأحوال
قلت اهويهم شوية
فى مصيف على قد الحال
رحت وشفت الطبيعة
سبحان من خلق الجمال
قالوا يللا نروح الميه
وساقوا عليه الدلال
حبه راحه يااولاد شوية
قالوا بقالنا سنين طوال
راح نرجع عالمغربية
شفت لبس ام العيال
قلت لبسك مكشوف شوية
ياللا روحي البسي اسدال
واما قربنا للمية
شفت صورة من الخيال
الكل آلع برقع الغيره
النساء ويا الرجال
العيال لاموا عليه
لبسهم مش بطال
قلت دي افعال رضية
حاجة فوق الاحتمال
الوشوش صبحت مش هيه
لبسوها كل الأجيال
قعدت انا تحت الشمسية
ومش عجبني الحال
يبقى راجل ميه ميه
فين كرامة الرجال
الجسد له حرمانيه
اللي بعد عن بلده حاله مال
واما تشوفه فى بلده
راجل زينة الرجال
ليه تتبدلوا كل شوية
ماتفضل علادا الحال
وصرفنا فلوس الجمعيه
يهديكي ياام العيال
(((أسامه جديانه)))
ليست هناك تعليقات:
إرسال تعليق