مشتهيك...
خل أحضنك
وخلني أغفى أبين أديك
مشتهيك...
أنت يل كاتلني شوكك
روحي هالمعجونه بيك
مشتهيك...
أنت يل عذبني حبك
وكلبي بس ينده عليك
مشتهيك...
بلا وطن عايش بدونك
بلا هوية ...بروحي والله أفتديك
مشتهيك...
أنت أغنيتي ولحنها
كل صباح أتسله بيك
مشتهيك...
مثل الماي من أعطش أشربك
وأرتويك..
مثل نسمة صيف مرت
والندى ينكط عليك
مشتهيك...
تمر عليه بطيف عابر
لو تمرني بحلم نادر
لو تجيني لو أجيك
مشتهيك....
ماأكلك يلعفتني
وماأكلك يلبعتني
ولا أكلك أنت بس الضيعتني
من أديك...
مشتهيك....
أرد أشم عطرك حبيبي
أرد أعطر روحي بيك
مشتهيك....
قاسم عبدالعزيز الدوسري
ليست هناك تعليقات:
إرسال تعليق