عسل صورصار بن صرصور
خلية نحل مهردمه والعسل منثور
شم الريحة هجم عليها دبور
وكلمة بحبسه ونمل مأجور
شفط العسل غرير مغرور
وريحة عجبت كمان صرصور
قال انا ليا حظ لو لم يصبني الدور
اصل انا في عالم الحشرات
بيعاملوني جناح مكسور
مرة في نعل شبشب
وباخد فوق دماغي مغدور
في كل الأحوال مضرور
عزيزي الخنفس اسود حقير
ملكش نصيب خده بق السرير
دا خطير خطير خطير
متاكل يا صرصر وساكت ليه
صغار النحل مين يبكي عليه
شمع الخلية في الانتظار
خنقنا الملكة في الحصار
واحنا استفادنا من الدمار
سخن ياصرصر جمب التراك
و اشكر صاحبك اللي حماك
شفت ناموسة تمص جاموسة
حتى لوراك
خش الخليه وخلص أساك
وفَحل ياصرصر وأنسى الهلاك
حبيب الحرباية صديق الجراد
عصفور الحقل خد البعاد
كمل خرابك زد العناد
كُل لما تشبع خشب الخلية
اصبح تابوت
والنحل عندك معدلوش أي صوت
الجوع ياصرصر يجيب الهلاك
كُلْ لما تشبع عيش ملاك
ايه يعني نحل ميساويش
يموت يعيش ميهمنيش
دخله غريبه تِجَمع صحاب
تموت الخليه يعم الخراب
هتبقي مقاول تلم الذباب
تشاور بشنبك يزنوا بكل باب
جايز النحل اللي مات زي العرب اغراب
ملوش تمن وعليه حساب
وجايز لموته معمول له جوايز
للي يهوى العسل واللي عايز
حتى الحرام يتعبى في أزايز
وانت ياصرصر بس اللي فايز
بقلم مولانا العارف بالله الضاحك الباكي بلال هشهش بيلا مصر. 1/11/2024
ليست هناك تعليقات:
إرسال تعليق