"قالو عليَّ برّانية"
انت ماكي برّآنية
وماكش من هذي لبلاد
خاب المسعى معاها النية
يُظهرلي غيرةْ حُساد
بلادي نخدمها بعفوية
م الفوّار لحلق الواد
ملّخر راني تونسية
مهما تتلوّن لعباد
نبقى بشموخ وحرّية
انضوّي المحفل والميعاد
ومهما قلتو وزدتو علي
بطموحي وصلت المراد
بكدّي وبجهدي وبالنيّة
بمحبّة نجمي وقّاد
وتبقى ناس تعز عليّ
ومهما يصير أعز عباد
وحتى قالو برّآنية
غريبة وماكش م البلاد
الشاعرةالعربية
نجوى النوّي
تونس
ليست هناك تعليقات:
إرسال تعليق