القلب مجروح.
بقلم: حميد النكادي..
داب قلبي
بين زناد ؤ نار
ضربة على ضربة
من زمان غدار
ما حن ما شفق
ما قال نخليه
شوية فالتيقار...
كلما عييت إزيد
يرشك(g) المسمار
ؤ على ظهري
حمل ثقيل
بحالي بحال لكيدار
أضرب ؤ زيد ضرب
انا لي نستاهل
نقزت فالعافية
بلا تخمام بلا شوار
غادي تايه
ما عايق ما جايب
لراسي خبار..
أنا قلبي هشيش
ؤ هما ليا بالعار
اصبرت ؤ اصبرت
ؤ طال صبري
بالليل ؤ النهار
كلما قلت غدا
يسطع فجري
ؤ يطلع النهار
إلا ؤ زاد وجعي
ؤشعلت فيا نار ..
الشكوى لله
الواحد القهار ...
الشكوى لله
الواحد القهار ...
حميد النكادي25/11/2021
ليست هناك تعليقات:
إرسال تعليق