الأيام/صموئيل فايق
الأيام لو بتتكلم
كان صوتها
علي الكل يعلم
لكنها بتعدي
حتي من غير متسلم
كانت تحكي وتقول
قد إيه أنا بتألم
وبشكي همي
للكراسه والقلم
ورافع للحزن تعظيم سلام
وكمان أكتر من ميت علم
لإن أنا وهو بقينا توأم
وكل يوم ألوم زماني
علي نصيبي إللي كله ألم
والضحكه إللي مفرقاني
حتي في وقت الحلم
ويطلب مني
أسكت وماتكلم
وأكتم في قلبي
وأتنهد واتألم
وأقول بكره
أتشطر وأتعلم
لكن الحزن يخليني
كائني طفل مابيتعلم
من بعيد يشاور ويبكي
وطول اليوم مبلم
مش داري بالحصل
ومكتبه درجة سلم
وصابر وبصبر نفسي
لما الأيام تتكلم
يمكن ييجي يوم
أضحك ومتألم
وممكن تيجي بسمة
لما من القسوة أتعلم
لكن الأيام معديه
وأنا في حياتي مكمل
ليست هناك تعليقات:
إرسال تعليق