سيب الحمار
مدابح وقتل.. جوع وحصار
مهازل بتحصل ليل و نهار
صورة الجزيرة لهدم الدار
هتقصف ياباشا بلاش أنتظار
طيرانك خلاص ساب المطار
اضرب شباب ادبح صغار
خد الحريم والناس الكبار
لكن المهم تسيب الحمار
هو أملنا من بعد أنتظار
هوسندنا مسمار الدار
هتفتح كرشه تلاقي اسرار
بتضحك يابيه.. علينا و ليه
عاوز تصور نفسك سينييه
فرغ جيوبك من القرف
وفجر عندك شوية شرف
بيوتنا حجارة بيوتك خزف
دمرت الشفا ومشفى الولاده
والعوده معدتش تتحمل زياده
صوتك ياغزه صرخة عباده
وضحكة سُكاتك اصعب
حالاتك
يموت الخسيس قبل وفاتك
بيد حماده
حبيبي المجاهد وبن الشهيد
طول عمري عارفك عنيد
سلاحك في ايدك عمرك يزيد
عرق البطوله شئ فالوريد
انت أساسك مشروع شهيد
بتاكل تمر وتنام عالحصير
في قلب خندق بدون سرير
متفرقش عندك قتيل ولا أسير
وعندك في ربك أمل كبير
جاهد بقوة و عليه التيسير
في الدنيا لحظه ممكن تموت
واللي أتحصن ميلقاش تابوت
واللي فالدبابة ميبقالوش اي صوت
دا بينك وبين الشهاده تكة ريموت
لو تخطيها هناك راح تعيش
منعم مكرم دا حلم حر عايز يعيش
سيبك من اللي يقولك مفيش
هتشوف الذباب أسراب
وجثث الصغار وارض خراب
وتعاصر مجازر ومحو أنساب
وهتعمل فواصل بين حق وضباب
وأنت بايدك هتفرض سلام
مجلكش مرة في الاحلام
وصوتك يعلى بدون أستسلام
وحقك هتاخده بدون كلام
وخلي الحمار في الاحلام
بقلم مولانا العارف بالله الضاحك الباكي بلال هشهش
بيلا مصر. 3/11/2024
ليست هناك تعليقات:
إرسال تعليق