ناس
ناس تجرح وبغيضة
قلوبها من السواد صنفين
المحبة تراها غميضة
والحقد كالسّوسة يدين
وناس تقوم بالفريضة
وتنقب الأرض والطّين
تخرّج الوسخ والهيضة
لا يهمها عيب ولا دين
وناس تلعب ع الرّبيضة
تاكل م الحرام عجلين
في الوجه مرايا عريضة
وفي القفا سيف وسكّين
وناس تداوي المريضة
بالمحبة الوافرة تعين
قلوبها رقيقة بيضا
ورد القديلة ع الخدّين
وناس ترقص نفيضة
مذبوحة من الوريد تنين
قلوبها جريحة مريضة
الحرب دمرتها سنين
وناس تعشق.... رويضة
تطرق الباب في الحين
طالبة الود والخير عويضة
الحلال ياسر ...بنين
وناس عقولها فضيضة
الخبث والمكر فطين
عايشة العمر في لحيظة
ناسية الحساب ألفين
وناس بالحكمة حفيظة
عقولها مسك ولين
لا تغدر والوفاء نهيضة
تبني الوطن ما تهين
الشاعرة حميدة بن ساسي
ليست هناك تعليقات:
إرسال تعليق