البوم الذكريات
الشاعر السيد الشهاوي
زارني طيفك الليله دي يا حبيبي
ودق بابي
عن خيالي
والسنين اللي في بعدك دوبتني في
نار اهاتي
في لحظه دابت
وفتحت ألبوم ذكرياتي
**********
الصورة دي بتضمنا إنت وأنا
وايديك في ايدي
وعيوني في عيونك تاهت
وتهت أنا في يوم عيدي
السهر خدنا ليلتها
نسينا كل السهرانين
والقمر نور ساعتها
وزاد ضياه للعاشقين
والناس كتير كانوا هنا
والله ما كنا دريانين
والسما اللي الناس شافوها
ويعرفوها من سنين
شفتها في عيونك إنت
الشوق ماليها والحنين
******
صور كتير وذكريات
بتقول حياتك هي حياتي
والورده دي بين الصور
وف وسط البوم ذكرياتي
اسألها راح فين عطرها
وعطرك إنت لسه فيها
ياللي غرامك أصله حكايه
بيحكو ا ويحلفوا بيها
ليالي العمر تضحك لي
بضحكه انت تجود بيها
وانسي في هواك كل الدنيا
ودنيتنا أعيش فيها
*****
ذكرياتي معاك زمان خدتني
من مكاني ومن زماني
لنفس المكان إللي عاش فيه حبنا
رجعني تاني
ياعمر العمر يا عمري
ليست هناك تعليقات:
إرسال تعليق