دعوة أمى
كل ماأكلم أمى
تدعيلي من قلبها
ودايماً شايله همى
وتضحي علشاني بعمرها
ماأنا حته منها وفرحتها
وهي إللي إختارتلي إسمى
وحنيتها دايماً حاسسها
وكل ماأمسك قلمى
أكتب غاليه عليا وبحبها
وفي مشوار حياتى وتعليمى
كان من أجلى سهرها وتعبها
وفي حضنها أنسى كل همى
وهى عندى بالدنيا كلها
وشكراً على النصايح ياعمى
لإنك وصيتنى أحبها وأراعيها
لإن مخلوط دمها بدمى
وكمان أبويا وإخواتى الكل بيحبها
وبطلب من ربي يكون حامى
كل حياتها ودخولها وخروجها
وكل الدنيا تبقى أمى
ولما لفوق ترفع إيديها
ومن قلبها تدعى وتسمى
تتهز الأرض تحت رجليها
جميلة الدنيا بدعواتك ياأمى
صموئيل فايق
ليست هناك تعليقات:
إرسال تعليق