( شر الحليم )
رد فعلي بجد هادي
بس ممكن يوجَعك
ببقى هادية وشكلي عادي
لمّا تحكي وبسمعك
لمّا بتحوّر كلامك
ببقى نفسي بجد أقولّك
إتعدل وإلزم تمامك
يعني إمشي في السليم
وإتقي شر الحليم
أصلُه لو عاملك بفعلك
سهل إنه يضيّعك
رد فعلي بجد هادي
بس ممكن يوجعك
رد فعلي ساعات طبيعي
ومرة تانية يكون مُخيف
والهدوء اللي ف ربيعي
فجأة يتحوّل خريف
لو تغمض يعني عينك
لو مجرد بس ثانية
ده كلام بيني وبينك
ببقى فجأة واحدة تانية
يعني إمشي في السليم
وإتقي شر الحليم
أصله لو عاملك بفعلك
سهل إنه يضيّعك
رد فعلي بجد هادي
بس ممكن يوجعك
بقلمي عبدالحميد وهبه
ليست هناك تعليقات:
إرسال تعليق