ع إيد البعرفا
آه شو حلوة النومة ع إيد اللي بحبها وبعرفا
ال بتوقّف نبض قلبها تيحلالي عصدرها الغفا
عصدرها شامية بلون الورد أنا بعيوني شايفا
شوبقول لثغرها ريحة الزهر عالورد الله ضايفا
وبين سنانها العنبر والمسك يتسابقوا لشفافها
وشعرها أجمل من ثوب يغطّي صدرها وكتافها
إن شافها ناسك بصومعة قال يا ريتو ما شافها
شعرهاأسود طويل عطّى كتافها وصّل لأردافها
أرزة خضرة وكروز بلون الخشب زينت أغصانها
الشاعر سمير شيّا ......
ليست هناك تعليقات:
إرسال تعليق