لو تعرفي
محمد ضباشه
لو تعرفي حبك فى قلبى قد أيه
ما مال هواكى فى البعاد تستغربي
ما تقربي أو تسألي ازاى وليه
واشمعنى طيفك فى العيون كاس مشربي
جايز تكوني فى الخيال يوم مولدي
أو يوم رسمتك جوه قلبي موعدي
أو يوم كتبتك بيت قصيد يا دنيتى
لا هو شامي الهوى أو مغربي
ليه تهربي ويا القمر ساعة التمام
أسهر وانام أحلم وأقوم ويا الكلام
انك تكوني عَبْلِتِي ست الحسان
أقطف جناين بسمتك فتقربي
أنسج بروحي م السحاب فستان هَنَا
وطرحة طارحة ميت قمر يا سوسنة
يفرد جناحى فى الفضا يمكن اطول
بين الرموش اسكن بقلبي ألف حول
وابقى السند ضل النهار اللى انت فيه
أستنى شمسه تندهك ما تغربي
هذا الكلام لا هو كلام بتسمعيه
فتلحنيه عزف الضياع أو تشطبيه
دا نبض قلبي بيندهك قومى احضنيه
إن كُنْتِ فعلا بالعيون لا تكذبي
ليست هناك تعليقات:
إرسال تعليق