دنيا الهموم
عبدالمنعم عدلى..مصر
قالوا مالك
يادنيا همومك كتير
وعماله توزعى
على الناس بالقناطير
مخلوقة الناس
فى كبد
وزودتى الهم
عليهم فى زبد
وزبد البحر هوال
دنيا وأخرها التراب
وخدانا يادنيا
على فين
د إحنا غلابة ومساكين
لامرتب نافع
ولامعاش شافع
وعاشين شحاتين
على أعتاب
رب كريم
همك كتير
وغدرك أكثر
بس فيه
رب كبير
حسرات حسرات
على أيام ونفايات
من أبواب معاشات
ماتت فيه
دولت التأمينات
حرام والله حرام
كهرباء وصعقت
جيوب المعاشات
ودواء من
جيوب الكرماء
وشكوى من
عربية الفول
كل يوم
مساء وصباح
ليه يادنيا العذاب
الغدر فيك
عمره ماداب
ورؤس أصبحت
فى التراب
وناس طردوهم
من كتر السوأل
ليه يادولت المعاشات
رمتونا فى
جب لعين
معملناش له حساب
لا أكل ولادواء
ولاحتى فاتورة كهرباء
مستنى مرة
سهو من الكتباء
يرموا أسامينا
بسهوا الخطأ
فى الكتاب
وأروح وأصرف المعاش
ولاتملل إحنا
عندنا حسن الجواب
عدى علينا بكره
لسه مجاش الجواب
آه منك يادنيا العذاب
بقلمى عبدالمنعم عدلى
ليست هناك تعليقات:
إرسال تعليق