شو صعب فراق الاهل
كل يوم ع فراقكم يا خلاني
وكلمة اهلي قديش رمز الحنية
لو تعرفوا كل يوم منهم كيف مرقوا عليي
كل يوم كنت عم اشرب الم مر الفرقة
وكل فراق يهون الا فراقكم يصعب عليي
حملت ورقة وقلم تأكتب الكم مرثية
انبرى القلم وجف الحبر وصرت اكتب بدموع عينيي
هل هلالو رمضان والكل فرحانين
وانا لو تعرفوا يا اهلي شو صعبة عليي بعيد عنكم هلالو
ع ضريحكم رحت ضويت سود شموع
ومتل اليتيمة كنت ناطرة عراسي تمسحوا بحنية
سمعت همسة من قلب الضريح أمي يا امي
لا تبكي يا بنتي دموعك غالية عليي
وتصبري بالله يا زينة الاخوات
واذكرينيا دوما بآيات عطرية
مش رح نفارقك يا ياسمينة الدار
روحنا بتبقى الك رفيقة
وروحك بتبقى ساكنة فينا
وبانا لله ومرجعنا للرحمان
وصدقة لروحنا اقري كل يوم وآيات قرآنية
بعرف قديش صعب يفقد الطير الجناح
وقديش صعبة كلمة اشتقتلكم يا اهلي
انت المنى والامل واغلا الاحباب
رح تبقي بسم الحب نجمة مضوية
ما بقدر الا قول برضى وقبول
الله يرحم تراب يلي حضنت الأحبة
بقلم د. منى_ضيا
( لبنان
ليست هناك تعليقات:
إرسال تعليق