.....ياصاحبي.......
ياصاحبى نا حاس بمعاناتك ... المرض لخبطلك جميع حياتك
...
ياصاحبى خلى اتكالك ديمة ... على خالقك واسعى ودير عزيمة
واصبر على ماجاك هذى غنيمة ... تكفر عليك اذنوب مهما جاتك
ياصاحبى نا حاس بمعاناتك
...
يــــــــاصاحبى ماتزعــــــل ... ومايوم تقنـــط والشفـــا تتعجل
منه الداء ومنه الشفاء تمهل ... ادعى وصلى واغتنمها اوقاتك
ياصاحبى نا حاس بمعاناتك
...
كـــــــون ديمـــــــــــة صابر... استغفر لذنبك ومالحــد اتكــــــابر
تواضع وكون فخدمتك مثابر ... واحمد المولى وماتفوت صلاتك
ياصاحبى نا حاس بمعاناتك
...
نــــــــــدعى الله يشفيــــــــك ... ولعويلـــــتك بريــــــان بيخليــــك
ياصاحبى راضيه بيراضيك ... ويجعل طريق الخير فى خطواتك
ياصاحبى نا حاس بمعاناتك
...
ياصاحبى نا حاس بمعاناتك ... المرض لخبطلك جميع حياتك
بقلمى الشاعرمفتاح اللافى من ليبيا
ليست هناك تعليقات:
إرسال تعليق