قصيدة بعنوان
(صدقتها ؟؟؟؟؟؟)
وكان كل الكلام
جميل..........
بتسرح بعقلي عشان
قلبي ليها
يميل.........
بتقدم من فروض
الطاعه
و من كل ألوان
الحب من الأدله
ألف ومليون
دليل..........
مرة تتغنوج و تتسهوك
وتتدلع وتتغندر
زي بنت بنوت
تعمل حبيبة
الليل.........
عصفورة بتزقزق
وتغني على نغمة عود
والصبح ألاقيها
مثل ال مقتول له
قتيل........
تجيب لي مرة في
صينية شاي عليها
فاكهه ناكل ونضحك
تتفنن في بعض كلام
تفضى الصينيه
تشيل..........
تحبق القصه وأنا ما أنت
عارف من الحركات دي
أطلع وأنزل على مفيش
تلاقيني فجأه ليها
بميل.........
تمثل وكأن الشقه مسرح
وأنا بصراحة بحب
الدرامه موت
أعشقها لو
تمثيل.........
مرة ألاقيها عبدالقادر
ومرة ملاقيش ليها
بين الحريم في غرامها
مثيل........
وأنا بهبلي وعبطي
بصدق لو حتى كان
تحويل........
أفكر بعقلي هو الكلام
دا بجد صحيح
ولا هو في آخرته
تغفيل.........
حواء وتعملها قادرة
لو عازت طلب
جنتها تصبح نار
وآه من نارها
ياويل........
تعشق التضليل.
هي ال حيرت
إلبليس ترمي صنارة
الغدر للقلب طعم غمز
وتوصيل........
وآدم إيه غير منظر.
قايم لي بدور راجل
بيقدم ليها روحه
وقلبه على طبق
من فضه وبارضوا تقول
يا بخيل..........
سبحان من قال
خلقت من ضلع أعوج
تقومه تكسره.
دموع التماسيح
تذرف على خدودها
وتعمل عليك تمسحها
بمنديل........
تتشكل ورده في
بستان ليها عطر
جنان أنثى زي ما
قال الكتاب
لكن لو حرنت فرسه
ترفص رفصتها تموت
فيل.........
صدقتها وكان كل الكلام
جميل...........
يلعن أبوه من حب
ال يكسر ويذل
سبحانه في مكانه
جعل فيها شيء
حلو رغم المرار
والقهر لو حزفه
مكانش فيه
تعليل........
ولأجل أكون عادل
فيها ال تشرح
قلبك وتسر وتمد
على عمرك عمر
وفيها ال تقلب موزاين
عقلك وتخربط
كيان أمه بحالها
وتقضي حياتها نكد
وعويل.........
لكن وحتى أكون
صادق وآمين في
قصيدتي استحالة
من فرط حبي ليها
بين النساء ألاقي لها
أي بديل.........
خلص الكلام كله
على قالوا وقولنا
وقيل.........
27/2/2024
(ترنيمات وخواطر.بقلم...........)
(شاعر العاميه/خيرى حسنى..)
ليست هناك تعليقات:
إرسال تعليق