الصديق ..
مشيت الخطاوي ثقيلة مصعبها
و رميت ثقلي على ثقلها زاد عطبها
حتى الطريق حزينة ما طاقتها
كل ثقل خطوة بثق جبال ما كفتها
طريق الي ما فيه صديق راهو صعيب
و تو بالتجراب تعرف الي كلامي مش شيء غريب
الصديق اذا صان عرضك و حفظ سرك
يستحق وسام في زمان عجيب
و يصير من غلاه و معزته من حقه تسميه حبيب
صديق صادق معاك طول حياتك
يتحملك في الفرح و يحس بتنهيداتك
آش خير من هالهدية من خيار هداياتك
تنعم بيها طول العمر و تقول الف شكر ياما
هذي دعوة من دعواتك
صار الصديق كاينه حلم م الاحلام
و الناس بوجايعها و الغدر ما تخليك تنام
و صار أبسط طموحنا ناس تكمل معانا الطريق بسلام
و مانا طالبين غير نلقوا الطيبين في آخر هالأيام
منى بابوري
ليست هناك تعليقات:
إرسال تعليق