فاسدون
دولة عمي أمين
جزء تانى
عمي أمين بيحب البيكيا
شغال ديما فى الروبابكيا
أيامه كلها قواضى
الأيام دى عمي أمين
شغال قال إيه
قال فى التطوير
حد مفهم عمي أمين
أنها هوجه وأنها موجه
وإن القرش بتعها كتير
ممكن تسرق مجهود غيرك
فى بلادنا يبقى أنت عظيم
وإنك ممكن تاخد نوبل
لو نهقت شويه كتير
عمى أمين قال ياهنيه
إزاى نكسب كل قضيه
عايزاني أعمل طياره
ولا فى لحظه أبني عماره
ولا طاحونه تدور بالميه
ولا تسافري معايا ألمانيا
منها نطلع على تركيا
عمى أمين فاكر مش ناسي
كل كلام أستاذه معاطى
إن الدنيا صابع كفته
لازم تديها بس بحكمه
يخرب بيت فكرك يا أمين
دا أنت غلبت عبقره كتير
كنت صغير وبقيت فيل
ياما بلدنا علت فى حمير
وأنت أكيد منهم يا أمين
شعر
على أبو السعود
ليست هناك تعليقات:
إرسال تعليق