ملكش في الفرح ..
ساعات بأبقى
نفسي أفرح ..
نفسي أضحك
بس خايف .
الضحكة ويايا
دايماً غريبة ..
بعيدة وقريبة
قريبة ع الشفايف .
خايف ل وشي
ياخد عليها ..
ييجي قلبي في
لحظة واقف .
ما هو مش واخد
دايما عليها ..
واخد ع الصدمة
من المعارف .
وياها يرسم دمعه
في العيون ..
وكسرة ع الجبين
من الأنين .
طول عمره
بيشكي بيعاني ..
من صدمة
من ظلم بيهين .
ما هم قالوها
مرة لية بصراحة ..
أنت ملكش
في الفرح يا حزين .
قلت صحيح
مليش في الفرح ..
ما أنا لا منافق
ولا بوشين .
ولا عمري أعرف
أتلاعب ..
ولا أتلون زي
التعابين .
طول عمري صريح ،
صحيح بيقولوا
عليه غشيم .
لكن قلبي صافي
ولساني واضح ،
لأني مش لئيم ،
لأني مش لئيم .
بقلمي // محمد عبدالغني عمارة .
ليست هناك تعليقات:
إرسال تعليق